من سمير زاهر إلى الجماهير المصرية: اعملوا اللى انتم عاوزينه فى الجزائريين..المهم نكسب وخلاص


رفض الكابتن سمير زاهر رئيس اتحاد الكرة المصرى الانضمام للحملة "وردة لكل جزائرى" التى تتبنها العديد من الصحف المصرية فى الفترة الاخيرة لاستقبال المنتخب الجزائرى بالورود فى مطار القاهرة وقت حضورهم لمواجهة منتخب مصر يوم 14 نوفمبر المقبل فى تصفيات افريقيا المؤهلة لمونديال 2010.

وقال زاهر "هذة المبادرة ستضعف من حماسة الجماهير المصرية فى استاد القاهرة يوم مباراة الجزائر وهذا ما أرفضه بشدة لاننا نحتاج الى80 الف مقاتل فى الاستاد يقوموا بتشجيع الفريق بحماس منقطع النظير.

ووجه زاهر رسالة للجماهير المصرية قائلا "اعملوا اى حاجة انتم عايزنها روحوا عند فندق بعثة الجزائر واعملوا صخب لحد الصبح زى ماعملوا معنا فى الجزائر، شجعوا باى طريقة انتم عايزنها فى الاستاد بس بدون تجاوز او حدف طوب حتى لا تتعرض مصر لعقوبات".

واضاف "انا عايز 80 الف مقاتل فى المدرجات يهزوا الارض هز تحت ارجل لاعبى الجزائر وعايز تشجيع جنونى لمنتخبنا من اول دقيقة فى المباراة لحد صفارة الحكم, مفيش حاجة اسمها مبادرة ... فى حاجة اسمها مصر تفوز وبس ".

الجدير بالذكر ان احمد حسن قائد المنتخب المصرى قد عبر عن عضبه الشديد من هذة الحملة وقال من يقوم بتقديم وردة للجزائريين فهو غير مصرى لاننا نلاقى اسواء معاملة عندما نلعب اى مباراة فى الجزائر.


خطة التفصيلية للتشجيع المصري في الستاد و لا عاذا للجزائر
بسم الله الرحمن الرحيم
وإليكم خطة التشجيع واللى لازم نتفق جميعا عليها إحنا هندخل الاستاد من بدرى نعيش بقى ونتفق مع بعض على شعارات التشجيع بكل هدوء بدون أى شدة أعصاب وأول مانعرف إن أتوبيسات اللعيبة وصلت ممكن 100 أو 200 واحد بصوت عالى يحسسوا حسن شحاته إن كل مصر جنبة وبعدها سكوت وهدوء خصوصا عند ظهور لاعبى الجزائر أهم ما فى الموضوع تجاهل وجود لاعبى الجزائر قبل المباراه
و أول ماحكم المباراة يصفر للبداية
عارفين زى بداية الحروب زمان كدة هجووووم عايزيين زلزال يقوم فى استاد القاهرة ومهما حصل فى المباراه أحنا لازم نكون مع منتخب مصرإحنا جاييين عشان مصر عشان النتخب نقف جنبه غالب مغلوب إحنا مع المنتخب إحنا جايين نشجع ولاد مصر مش نشمت الجزائرين فينا أكيد يا جماعة منتخب مصر نفسه يكسب ويفرح لأن مكسب وفرحة اللاعبين أضعاف أضعاف الجمهور وكمان فى الخسارة ربنا يكفينا الشر حزنهم أكبر بكتيير من زعلنا إحنا لازم نقف جنب المنتخب طول شوطين المباراه وإحنا متأكدين إن كل لاعب بيعمل اللى عليه والتوفيق من عند الله
طب ليه كل ده ؟؟؟؟؟؟؟؟؟؟
أقولك !!!
أكثر من سبب
- تخيلوا معايا المشهد أكيد لاعبى الجزائر هيضربوا لخمة وهيكون من الصعوبة تركيزهم فى المباراة حتى يتعودوا على ما يحدث وحلنى بقى
-توفير مجهودنا كمشجعين لوقت المباراة وده أهم وقت
-لو حدث رد فعل الجمهور على إستفزازات الجزائريين هيجرى الجزائريين على طقم الحكام ويقولوا شوف المصريين بيعملوا فينا إيه فيغيب تأثير الارض والجمهور على الحكام ويحدث تعاطف مع الجزائرين
-لازم نقف ونشجع بس إزاى هو ده المهم والتشجيع لما يطلع فى وقته هيكون أقوى بكتيير
واحد يسألنى!!! يقوللى ياسلام طيب ماهو أى حد يقرأ الكلام ده هيعرف ناويين على إيه وهنعمل إيه أقوله وفيها إيه ليس من سمع كمن رأى ومهما قلت عن الجمهور المصرى لايساوى عشر ماسوف يراه منتخب الجزائر مع بداية المباراة دى خطة التشجيع ويجب أن ننشرها حتى نواجه منتخب الجزائر بكل قوات الكرة المصرية بشكل منظم

و تحيا مصر

و انا مسئول عن كل كلمة كتبتها